Wednesday, March 30, 2011


Saturday, March 26, 2011

ഭൗമ മണിക്കൂര്‍ - 2011 മാര്‍ച്ച്‌ 26, 8.30PM - 9.30PM

നമ്മുടെ ഭൂമിക്കായി ഒരു മണിക്കൂര്‍...EARTH HOUR 2011..26 MARCH 8.30PM - 9.30PM...


ആഗോളതാപനത്തിനെതിരെ സമൂഹത്തിലെ എല്ലാ വിഭാഗം ജനങ്ങളെയും ഉള്‍പ്പെടുത്തിക്കൊണ്ട്, നമ്മുടെ വര്‍ധിച്ചു വരുന്ന ഊര്‍ജ ഉത്പാദനവും ഉപഭോഗവുമാണ് ആഗോള താപനത്തിന്റെയും കാലാവസ്ഥ വ്യതിയാനതിന്റെയും പ്രധാന കാരണം എന്നത് മനസിലാക്കി, അതിനെതിരെ പ്രതീകാത്മകമായി വൈദ്യുതി  വിളിക്കുകള്‍ ഒരു മണികൂറോളം (8.30PM - 9.30PM) അണച്ച് കൊണ്ടുള്ള പ്രചാരണ പരിപാടിയാണ് ഭൗമ മണിക്കൂര്‍ (EARTH HOUR)...2007 ല്‍ സിഡ്നിയില്‍ ആരംഭിച്ച ഈ ജനകീയ മുന്നേറ്റം 4 വര്‍ഷത്തിനുള്ളില്‍ 128 രാജ്യങ്ങളിലെ 1 .3 ബില്ല്യണ്‍  ജനങ്ങളുടെ പങ്കാളിതതോടുകൂടി ലോക ചരിത്രത്തിലെ ഏറ്റവും വലിയ പരിസ്ഥിതി സംരക്ഷണ പ്രചാരണ പരിപാടി ആയി മാറികഴിഞ്ഞു...

ഈ യജ്ഞം ഒരു വന്‍ വിജയമാക്കി മാറ്റുവാന്‍ നമുക്കും പങ്കാളികളാവാം...
മാര്‍ച്ച്‌  26നു ഒരു മണിക്കൂര്‍ നമുക്ക് മാറ്റി വക്കാം നമ്മുടെ നാടിനായി...വരും തലമുറകള്‍ക്കായി...

 ADD YOUR ACT TO MAKE OUR EARTH A BETTER PLACE...
IN THIS EARTH HOUR, GO BEYOND THE HOUR...


Sunday, March 6, 2011

മാര്‍ച്ച്‌ 8 - സമതാ സര്‍ഗ്ഗസംഗമം തൊടുപുഴയില്‍

2011 മാര്‍ച്ച്‌ 8 അന്താരാഷ്ട്ര വനിതാദിന പ്രഖ്യാപനത്തിന്റെ ശതാബ്ദിയാണ്.. ഈ ദിനം കേരള ശാസ്ത്രസാഹിത്യ  പരിഷത്ത് സമതാ സര്‍ഗ്ഗസംഗമമായി സംസ്ഥാനത്ത് വിവിധ കേന്ദ്രങ്ങളില്‍ നടത്തുകയാണ്.."സ്ത്രീകള്‍ക്കും കുട്ടി­കള്‍ക്കും നിര്‍ഭ­യ­മായി ജീവി­ക്കാ­വുന്ന നാട്" എന്ന മുദ്രാവാക്യം  സ്വാര്ധകമാക്കുന്നതിനുള്ള  കാമ്പൈന്‍ പ്രവര്‍ത്തനങ്ങളാണ്  പരിഷത്ത് കേരള സമൂഹത്തില്‍ ചര്‍ച്ചക്ക് വെക്കുന്നത്..സൌമ്യയും ധനലക്ഷ്മിയും നേരിട്ട ദുരന്തങ്ങളുടെ പശ്ചാത്തലത്തില്‍ സ്ത്രീകളും പെണ്‍കുട്ടികളും നേരിടുന്ന അതിക്രമങ്ങള്‍ക്കും നീതി നിഷേധങ്ങള്‍ക്കും ശാശ്വതപരിഹാരം ഉണ്ടാവണമെന്ന ലക്ഷ്യത്തോടെ  പരിഷത്ത് നടത്തുന്ന ശ്രമങ്ങളുടെ ഭാഗമായി  2011 മാര്‍ച്ച്‌  8 ചൊവ്വാഴ്ച 4.30pm നു തൊടുപുഴ ജ്യോതി സൂപ്പര്‍ബസാറിനു സമീപം നടത്തപ്പെടുന്ന ഓപ്പണ്‍ ഫോറത്തിലേക്ക്  എല്ലാവരെയും സ്നേഹപൂര്‍വ്വം ക്ഷണിക്കുന്നു...


സ്ഥലം: തൊടുപുഴ നഗരസഭ അശ്വതി കോംപ്ലക്സ്  ടാക്സി സ്റ്റാന്റ്

തൊടുപുഴ ഡി.വൈ.എസ്.പി. ശ്രീമതി ആര്‍.നിഷാന്തിനി IPS ഉദ്ഘാടനം ചെയ്യുന്ന വനിതാ സംഗമത്തില്‍ ശ്രീമതി  ജെസ്സി ജൊസഫ് (വിദ്യാഭാസ ഡെപ്യുട്ടി ഡയരക്ടര്‍) ചര്‍ച്ചക്ക്  തുടക്കം കുറിക്കുന്നതും ശ്രീമതി എല്‍സാ  ഫ്രാന്‍സിസ്  സ്ത്രീ സൌഹൃദകൂട്ടയ്മക്കുള്ള ചര്‍ച്ചാരേഖ അവതരിപ്പിക്കുന്നതുമാണ്‌..ശ്രീമതി കെ.പി.മേരി (സംസ്ഥാന പ്രസി., working women co-ordination committy), അഡ്വ.തജ്മോള്‍ എസ്.എച് (വൈസ്. ചെയര്‍പെര്‍സണ്‍ , തൊടുപുഴ മുനിസിപാലിറ്റി), ശ്രീമതി ഷീജ ജയന്‍ (മുന്‍. മുനിസിപ്പല്‍ ചെയര്‍പെര്‍സണ്‍, തൊടുപുഴ), ശ്രീമതി ജെസ്സി ആന്റണി (മുന്‍. മുനിസിപ്പല്‍ ചെയര്‍പെര്‍സണ്‍, തൊടുപുഴ), ശ്രീമതി ലീലാമ്മ ജോസ് ( presidant, block punchayath), ശ്രീമതി ലീലാമ്മ കുര്യന്‍ (മെമ്പര്‍,block punchayath), ശ്രീമതി സുമ സതീശന്‍ (ചെയര്‍പെര്‍സണ്‍, C.D.S), ശ്രീമതി ടി.എം.ഹാജിറ (സംസ്ഥാന കമ്മറ്റി അംഗം,NGO union), ശ്രീമതി എം.എന്‍.പുഷ്പലത (state exicuitive member,KSTA), ഡോ.മിനി മോഹന്‍ (താലൂക് ഹോസ്പിറ്റല്‍,തൊടുപുഴ), ശ്രീമതി കുട്ടിയമ്മ മോഹന്‍ (മഹിളാ മോര്‍ച്ച, ജില്ല പ്രസിഡണ്ട്‌ ), ശ്രീമതി സൂസമ്മ ജൊസഫ് (മുന്‍ പഞ്ചായത്ത്‌ പ്രസി., കുടയത്തൂര്‍), ശ്രീമതി കെ.പി.സുലോചന (മഹിളാ അസോസിയേഷന്‍, തൊടുപുഴ ഏരിയ സെക്ര.) , തൊടുപുഴ മുനിസിപാലിറ്റി വനിതാ കൌണ്‍സിലര്‍മാര്‍ തുടങ്ങിയവര്‍ പങ്കെടുക്കുന്നതാണ്...


Saturday, February 26, 2011

പെണ്‍പിറവി നാടകയാത്ര..

കേരള ശാസ്ത്രസാഹിത്യ പരിഷത്ത് ജനുവരി 7 മുതൽ സംസ്ഥാനത്തുടനീളം മൂന്നു സംഘങ്ങളായി അവതരിപ്പിച്ചു വന്ന പെൺപിറവി നാടകയാത്ര സമാപിച്ചു...നാടകയത്രയുടെ വിവരണങ്ങളും ദൃശ്യങ്ങളും വിവിധ ബ്ലോഗുകളിലൂടെ..


ചില വീഡിയോ ദൃശ്യങ്ങള്‍ :


Wednesday, February 2, 2011

പുസ്തകമേള...

ഇടുക്കി ജില്ലാ ലൈബ്രററി കൌണ്‍സില്‍ തൊടുപുഴയില്‍ സംഘടിപ്പിച്ച പുസ്തകമേളയിലെ കേരള ശാസ്ത്രസാഹിത്യ പരിഷത്ത് ഇടുക്കി ജില്ലയുടെ സ്റ്റാള്‍..

  
പരിഷത്ത് സ്റ്റാളില്‍ ഇടുക്കി ജില്ലാ വൈസ് പ്രസിഡന്റ്‌ പി.എം.സുകുമാരനും, ജില്ലാ സെക്രെട്ടറി ഫ്രാന്‍സിസ് കെ.എയും..

സ്റ്റാളിന്റെ വിവിധ ദൃശ്യങ്ങളിലേക്ക് ..

Tuesday, February 1, 2011

'പെണ്‍പിറവി' നാടകയാത്ര ഇടുക്കി ജില്ലയില്‍..

പെണ്‍പിറവി നാടകയാത്രയുടെ വേദികളിലൂടെ...

പെരിയാര്‍ ടൈഗര്‍റിസര്‍വില്‍ കൂടിയുള്ള തീര്‍ഥയാത്ര ഒഴിവാക്കണം - ജില്ലാ സമ്മേളനം

ദേവസ്വം ബോര്‍ഡ് അംഗീകരിച്ചിട്ടുള്ള  പാതകളില്‍കൂടെയല്ലാതെ ടൈഗര്‍ റിസര്‍വില്‍ കൂടി ശബരിമല യാത്ര ഒഴിവാക്കണമെന്നും, യാത്രക്കാരുടെ സുരക്ഷയും വനത്തിന്റെയും വന്യ ജീവികളുടെയും സംരക്ഷണവും ഉറപ്പാക്കണമെന്നും ശാസ്ത്രസാഹിത്യ പരിഷത്ത് ഇടുക്കി ജില്ലാ വാര്‍ഷിക സമ്മേളനം അധികൃതരോട് ആവശ്യപ്പെട്ടു..മുന്‍കരുതലുകള്‍ ഒന്നുമില്ലാത്ത വഴി ഉപയോഗിച്ചതും പതിനായിരങ്ങള്‍ വനത്തില്‍ തംബടിച്ചതും ഡസന്‍ കണക്കിന് കച്ചവട സ്ഥാപനങ്ങള്‍ സ്ഥാപിച്ചതുമെല്ലാമാണ് പുല്ലുമേടു ദുരന്തത്തിന് കാരണം..ഇവിടെ വെള്ളവും വെളിച്ചവും മറ്റു സൌകര്യങ്ങളും എത്തിക്കണമെന്നാണ്   ഇപ്പോളത്തെ ആവശ്യം..ഇത് അംഗീകരിച്ചാല്‍  വനത്തിന്റെയും വന്യ ജീവികളുടെയും  വന്‍തോതിലുള്ള നാശത്തിനു ഇടയാക്കും...പുല്ലുമേടു ദുരന്തത്തില്‍ മരണമടഞ്ഞവര്‍ക്ക് സമ്മേളനം അനുശോചനം രേഖപ്പെടുത്തി...

ഇടുക്കി ജില്ലാ സമ്മേളനം സമാപിച്ചു...

2 ദിവസമായി പെരിങ്ങാശ്ശേരി ഗവന്മേന്റ്റ് ഹയര്‍ സെക്കണ്ടറി സ്കൂളില്‍ വച്ച് നടന്നുവന്ന കേരള ശാസ്ത്ര സാഹിത്യ പരിഷത്ത് ഇടുക്കി ജില്ല സമ്മേളനത്തിന് സമാപനമായി...സംസ്ഥാന നിര്‍വാഹക സമിതി അംഗം ശ്രീ. T.P. സുരേഷ് ബാബു ഉദ്ഘാടനം ചെയ്ത സമ്മേളനത്തില്‍ ജില്ല പ്രസിഡന്റ്റ്  ശ്രീ. കെ.എന്‍. സുരേഷ് അധ്യക്ഷത വഹിച്ചു...ജില്ലാ സെക്രട്ടറി ശ്രീ.എസ്.ജി.ഗോപിനാഥ് പ്രവര്‍ത്തന റിപ്പോര്‍ട്ടും ട്രഷറര്‍ ശ്രീ.എസ്.അനൂപ്‌ വരവ് ചെലവ് കണക്കും അവതരിപ്പിച്ചു..തുടര്‍ന്ന് സംസ്ഥാന ട്രഷറര്‍ ശ്രീ.പി.വി.വിനോദ്, സംസ്ഥാന നിര്‍വാഹക സമിതി അംഗം അഡ്വ.എന്‍.ചന്ദ്രന്‍ എന്നിവര്‍ സംഘടന രേഖ അവതരിപ്പിച്ചു... അതിനു ശേഷം സംസ്ഥാന നിര്‍വാഹക സമിതി അംഗം വി.ആര്‍.രഘുനന്ദനന്‍ ശാസ്ത്രവും മതനിരപേക്ഷതയും എന്ന വിഷയത്തില്‍ ക്ലാസ് എടുത്തു... ശാസ്ത്രസാഹിത്യ പരിഷത്ത് പ്രവര്‍ത്തകരായിരുന്ന ശ്രീ. ശങ്കര്‍ (വഴിത്തല),ശ്രീ.സുകുമാരന്‍ (കട്ടപ്പന) എന്നിവരുടെ നിര്യാണത്തിലും പുല്ലുമേടു ദുരന്തത്തില്‍ മരണമടഞ്ഞവര്‍ക്കും സമ്മേളനം അനുശോചനം  അര്‍പ്പിച്ചു...
പുതിയ ഭാരവാഹികള്‍..
പ്രസിഡന്റ്റ്                ‌  :  എ.കെ.പ്രഭാകരന്‍
വൈസ്  പ്രസിഡന്റ്റ്  :  പി.എം.സുകുമാരന്‍
സെക്രട്ടറി                      :  ഫ്രാന്‍സീസ്  കെ.എ.
ജോയിന്റ്  സെക്രട്ടറി    :  എം.ടി. സാബു
ട്രെഷറര്‍                         :  രാജ്കുമാര്‍ ടി.എസ്.